करिब 25 बर्ष अगाडी जगत गुरु शंकराचार्यले सुदुरपश्चिम विकास क्षेत्रमा मेडिकल कलेज स्थापनाका लागि कुरा अगाडि बढाइ सो सम्बन्धि नक्सा तयारी र फिल्ड अनुगमनको कार्यहरु गरेको अवस्थामा वि.स.2066 सालमा गेटा मेडिकल कलेज स्थापनाका लागि राष्ट्रिय योजना आयोगबाट बजेट विनियोजन भइ कार्य सञ्चालन भएकोमा अस्पताल क्षेत्रभित्र रुख कटान लगायतका विषयहरुले गर्दा मेडिकल कलेज निर्माण कार्यमा ढिलाई भइ वि.स.2071 सालदेखि भवन निर्माणकार्यको सिलान्यास भइ भौतिक पुर्वाधार निर्माण कार्यको थालनी भएको हो।

सुदुरपश्चिम प्रदेशको कैलाली जिल्लाको, गोदावरी नगरपालिका 5 गेटा स्थित करवि 51.5 हेक्टर क्षेत्रफलमा रहेको मेडिकल कलेजमा, मेडिकल कलेज स्थापना तथा सञ्चालन गर्ने प्रयोजनका लागि शिक्षण अस्पताल स्थापना तथा सञ्चालन गर्ने सम्बन्धि मिति 2078/12/14 र 2079/2/31 को मन्त्रिपरिषद्को निर्णय बमोजिम हाल स्वास्थ्य तथा जनसंख्या मन्त्रालय अन्तर्गत गेटा अस्पतालको कार्यालय स्थापना भइ अस्पताल सञ्चालनमा रहेको छ।